تجربتي مع المنشطات

---

السلام عليكم

النهاردة هقولكم تجربتي مع المنشطات ومع انها كانت فترة قصيرة مقارنة لمستخدمين اخرين الا انها علمتني كتير

وبرضو في الاول اوجه شكر خاص للكباتن
mohammed_atteya
][Sir Hussien][Ihate_love 

لوقوفهم جمبي وفهموني حاجات كتير وياما خنقتهم 

واعرفكم بنفسي في الاول

العبد لله أحمد صبري

السن : ودة اهم حاجة 16 سنة ومحدش يستغرب اطلاقاً اني استخدمت منشطات في السن دة

لاني لما حطيت رجلي في مشوار المنشطات كان هدفي اخش بطولات وفعلاً دة كان بيتحقق مع الوقت واتحولت في فترة قصيرة وكنت ناوي 2015 اقدم تجارب عالم ناشئين بس يلا النصيب توقفت لظروف كدة ومحدش عالم الخير فين

انا يعتبر استخدمت المنشطات 6 شهور متواصل ودي نقطة مهمة اركز فيها لان اولاً ناس كتير متعرفهاش لاني كنت مفهمهم هنا اني مكنتش باخد منشطات عشان محدش يعقدني عشان سني 

ودة مش عيب انهم ينصحوني بس عشان كنت عملت غسيل مخ لنفسي وكنت علي طول اخد رأيهم في الكورسات اكني معرفش اي حاجة عشان اطلع بالمعلومات شغل مخابرات بقي 

طبعاً 6 شهور مرة واحدة بالنسبة لاول كورس حاجة خطر ومنصحش حد بيها لكن زي مقولتلكم انا مكنتش داخل بس بنية اضخم والعضلات تزيد والشغل دة انا كنت داخل بهدف ان اللعبة دي تبقي حياتي

بعد المقدمة الطويلة والرغي الكتير نبدأ باذن الله

الكورس كان متواصل 24 أسبوع هقولكم كل فترة كنت بستخدم ايه من المنشطات وايه الي كنت بحس بيه وايه الي جاب معايا

1:24



السيدوتستون ( تست انانثات ) ودة تستيرون ري ونتيجته ممتازة جداً انا مجربتش المستورد لكن فعلاً منتج ممتاز واكتر من لاعب في منتخب ر لكمال الاجسام بدون ذكر اسماء قعدت معاهم وبيتعاملو بيه علي طول

السيدوتستون كان معايا من اول اسبوع لاخر اسبوع بجرعة 500 ملجم اسبوعياً علي مرة واحدة

جربت في النص البروبونات لكن للاسف كنت جبتو من تاجر تاني غير الي بتعامل معاه وكان مضروب وعملت مشكلة معاه واخدت الفلوس تاني وكملت بالانانثات

1:4

الدينابول كان منتج ممتاز الحقيقة واداني كيك ستارت ممتاز وكنت بستخدمو بجرعة 40 ملجم حباية كل 6 ساعات وطبعاً طول فترة الدينابول كنت بستخدم liv52 ست حبات يومياً


10:14

بداية الشغل الجد بقي



واستخدامي للمخيف بالنسبة لناس كتير وهو الانسولين

طبعاً كان استخدامي لنوع الهيوملين R وهو أأمن حاجة هو والهيومولوج بالنسبة للاستخدام الرياضي

الاستخدام : ايام التمرين فقط باستخدام 10 يونت اول اسبوعين التمرين وفي اخر اسبوعين20 يونت مقسمة علي مرتين

النتائج : الانسولين كان خراااااااافة بمعني الكلمة تحول رهيب ،، شعور ان العضلة مليانة علي طول ، اثناء استخدامي له مرتين يومياً كانت المرة الي قبل التمرين طبعاً فترة فيها كارب كتير فكان بيملي مخازن الجليكوجين جامد كان بيدي باور بشكل رائع ودي كانت حاجة جديدة بانت لي من الانسولين

ملحوظة : مش معني كلامي ان الانسولين أمن بالع هو يعتبر من اخطر المنشطات لانه ممكن يؤدي للوفاة

في استخدامو بعد التمرين كنت باخد سيريوس ماس فالسيريوس في سكريات وكارب بنسبة كويسة يحميك من الكومة باذن الله + وجبتين مليانين كارب وبروتين عشان اي بروتين في الفترة دي بيوصل للعضل والكارب عشان يملي مخازن الجليكوجين ويحميك من انخفاض السكر في الدم

في فترة استخدامو مرتين يومياً ( الاخطر ومنصحش بيها اي حد )
باخدو اول ماصحي 10 يونت الساعة 6 صباحاً مع دوز كامل من السيريوس ماس بالاضافة الي الوجبات المليانة بالكارب

وفي الحالة دي لازم فرق 8 ساعات الافضل بين الجرعتين

حاجة اخيرة مهمة انا قولت تجربتي له بغرض العلم وبخلي مسئوليتي ادام ربنا لاي شخص يستخدمو ويحصلو حاجة لانو يعتبر من اخطر انواع المنشطات وان شاء الله اعملو بروفيل واحط افضل طرق استخدام

بالنسبة لي مفيش ولا مرة حسيت باعراض كومة السكر والحمد لله

10:24






معشوقة الشعب 

الديكا

بالاضافة الي بلدانون

الاتنين جرعة 500 ملجم في الاسبوع

واحد شايفو بيميل علي صاحبو ويقولو ضارب الاتنين مع بعض ليه منظرة وخلاص

هقولو لا يا ابو لسان طويل 

الاتنين مع بعض كان ستاك رائع بالنسبة لي وزي معارفين المنشطات بتفرق من واحد للتاني

كانو بيكملو بعض

البلدانون كان بالنسبة باور ، شعور بمب خرافة ،، بيزود كرات الدم فالعروق كانت منفوخة ومضخمة ( ودي نقطة مهمة ان الناس فاكرة البلدانون بيطلع عروق ،، دة غلط هو لو العروق موجود هو ممكن يزود حجمها بسبب زيادة كرات الدم )

ويعتبر البلدانون كان مديني كل المميزات بتاعت المنشطات الا حاجة الي كل عاوزها وهي الضخامة

مشكلة البلدانون الي تعتبر ميزة وعيب انو بيزود صافي بس فدة بيخليه بطئ معايا وبعد مخلصت الانسولين مكنش فيه ضخامة منو بمعني الكلمة فانا ساعتها كنت مدخل ديكا من اول ماستخدمت البلدانون واكتششفت الكلام دة مع الاستخدام

ان من بعد 6 اسابيع من استخدامهم الديكا كانت هي الي بدأت تديني ضخامتها الي بقول عليها ضخامة من تحت الهدوم لانها بتبقي عبارة عن حبس مياه جامد

16:24



الخرافة الاسطورة بتاعت المنشطات

الترين اسيتات

استخدامو كان 80 ملجم يومياً

دة بقي كل النتايج الي تحبها من المنشطات جت معايا منو

ضخامة وباور وكلو

يعتبر حولني بمعني الكلمة

كنت بحس بصلابة غريبة في العضلات وانها نشفة

هو يعتبر ممتاز سواء بلك او كت



ودي كانت النهاية وبعد موقفت للاسف لظروف ما عملت pct ولسه محلل من كام يوم كان كلو تمام معدا نسبة التوتال تست بس اهو هاخد محفز تست واشوف الدنيا تاني

للاسف مفيش صور ليا لاني مش من محبي اني اتصور ومجتش في بالي حكاية التصوير غير من واحد صحبي مشافنيش من فترة قالي وريني صورك قبل وبعد فانا ان شاء الله داخل كورس قريب وهبقي اخد صور

لكن البيانات كانت كالتالي

قبل : الطول : 180

الوزن : 75

نسبة الدهون : 14%

----------------

بعد

الطول : 180

الوزن : 103

نسبة الدهون : 20 %

--------

اثناء الكورس :

في بداية الكورس للاسف مكنتش خبير في المنشطات وربنا سترها معايا وكنت بهبل

لكن بعد كدة لما قريت وعرفت ضرورة السيرمز كنت باخد 10 ملجم نولفا وفي بعض الاحيان اخدت فيمارا

طوال فترة الترين كنت باخد دوستن و ليف 52

والنولفا مع الديكا دونت مي  بس للاسف جت كدة وعدت علي خير

----------------
في الاخر احب اقول ان المنشطات دي سلاح ذو حدين ،، يمكن انا ربنا كر ومتعرضش لاي مشاكل في النص لكن في غيري قابلها مشاكل من مجرد كورس تست بس

ووجهة نظري الخاصة المنشطات بلاش منها الا لو ناوي اللعبة دي تبقي حياتك وتخش جو البطولات لكن عشان مجرد فورمة المكملات والتغذية كافيين يعملولك نتيجة كويسة

اهم حاجة اركز عليها انك تبقي قاري كويس قبل متخش لاني للاسف في البداية مكنتش افقه اي حاجة في المنشطات الا بسيط رحت عملت نفسي خبير ودخلت وربنا عداها علي خير في الاول

أسف علي الرغي الكتير وان شاء الله الفترة دي هقضيها كورسات خفيفة لحد مارتب نفسي واشوف ان كنت هرجع تاني لموضوع تجهيز البطولات ولا لا

والكورس القادم ان شاء الله هيبقي اول شهر 3

هيبقي لمدة 16 اسبوع

بفكر ازود التست ل750 مع بلدانون750 ملجم

واضيف لاول مرة الانادرول 50 ملجم لمدة 6 اسابيع


واسف علي الرغي الكتير واي اخطاء في الكلام لاني كنت مستعجل وانا بعمل الموضوع عشان خارج ،، الفلانتاين بقي الواحد لازم يخصص وقت لشريكة حياته المستقبلية ان شاء الله مش كلو كمال اجسام بس