توقف نمو العضلات
مشكله اغلبنا قابلها عمال يضرب من دا علي دا وحاسس انوا مظبط اكلوا ومظبط حاله ومفيش نتيجه رايح الجيم وجاي من الجيم ولا في اي تغير طب ايه دا بقي يا دكتور انا اقولك
مواقع كتير وكل ما هتتدخل وتعمل سيرش هتلاقي نفس الكلام
غير نظام اكلك غير نظام تمرينك غير مش عارف ايه غير الدمبل هات واحد شكلوا احسن والعب بيه غير الجيم والله قابلت واحد بيقولي روح جيم غالي اصل الغالي تمنه فيه ليه يعني هتشحن عضلات وانا داخل جيم كويس يا اما ابطال طلعوا من جيمات صغيره بس لو حسيت بملل من الجيم غيره روح واحد فيه ابطال عشان تتحمس وسطهم
المهم
البناء العضلي بيتوقف علي عده عوامل زي الاكل والنوم والتمرين والراحه النفسيه والفيتامينات والمكملات والمنشطات وكلام تاني كتير وانا مش بقول كده يعني بنصحك بالهرمون ابدا والله
ناخدهم عامل عامل ونقول ايه اللي موقف النمو بتاعنا وازاي نعالجه
العامل النفسي او الذهني ودا بالنسبالي اهم عامل والله انك مش عايز تنمو او بتفكر بطريقه سلبيه ف الموضوع ازاي يا ضكتور اومال انا عمال اصرف مكملات واكل ومش عارف ايه ودا كلوا تقولي مش عايز انمو هقولك اغلبنا بيحسبها ازاي وانا اولكوا
بشتري كورس المكملات وبفكر ان دا بقي هيخليني جاي كتلر يبتدي جسمك يزيد
واحده واحده بتلاقي بتتاخر ف النوم مبتاكلش كويس مانا بضرب بقي مكمل هيعوض الاكل بتسهر كتير وانت عارفين الباقي بتاع السهر
تلاقي واحد يقولك ياعم لو عملت كورس هرمون هتبقي حاجه فتبتدي نظرتك تتغير من ناحيه المكمل وتقول اه يارتني بالفلوس دي كنت عملت كورس هرمون احسن فتبتدي تقل وتبقي مقتنع انك مش هتزيد الا بالهرمون ودا غلط طبعا
غير كده وكده انك ممكن تكون ملعبتش يومين ولا حاجه صحابك بقي ايه يبني انت خسيت كده ليه انت مش عارف ايه دا بيحصل معانا كلنا لاتهتم باي حد فكك منهم وكمل تمرينك وظبط اكلك ونومك وهتشوف النتيجه
خليك متابع ومتنمش مني البوست طويل معلش
هنظبط شهر ونص تمرين صح مع بعض واكل كويس ونومك كويس وهتشوف الفرق ف الاخر
هتغير نظام التمرين وتلعب تمارين غيرها مع التمارين الاساسيه وان شاء الله البوست دا يبقي حاجه كويسه وتستفادوا منها
مثلا تغير التمرين كده لو اتكلمنا عن البنش
بنش واطي
تجميع عالي
تفتيح واطي
مقلوب دمبل
اوفر
المره اللي بعدها بس مش تاني اسبوع يعني بعد ما ال6 اسابيع يخلصوا
بنش عالي
تجميع واطي
فراشه
مقلوب بار
اوفر
هنيجي بقي لعوامل تانيه مساعده لنمو العضلات
النوم كويس عضلاتك مش هتكبر وانت ف الجيم هتكبر وانت مريحها يبقي لازم نومك من 6ل 8 ساعات ويكون بليل مش النهار ونسهر طول الليل
اكلك لازم يكون محسوب تمام وتعرف انت بتاكل ايه وليه مثلا انت ما اكلتش كويس ف يوم بلاش تروح الجيم وتشد علي نفسك اوي ف الاوزان عشان انت كده هتحرق سعرات اكتر من اللي اكلتها وبالتالي هتخس مش هتزيد ودي حاجه اغلبنا بيواجها ممكن وهو ف نص التمرينه تلاقي التشرت بقي واسع عليك وحاسس انك مش قادر تكمل
ايام تانيه لما تكون مظبط الوجبات تحس ان التشرت هينفجر صح ولا غلط
تاكل بروتين كويس وكارب كويس وجبه بعد التمرين اهم وجبه هي والفطار وتاكل بمعدل كل 3 ساعات مش قصدي انك تاكل وجبه كامله يعني لا حاجات خفيفه كده بين الوجبات سناكس كورن فلكس بلبن شويه فاكهه كده يعني
الاكل بتاعك بمعدل 5 ل 6 وجبات يوميا
ودا نظام كويس لضخامه عضليه بجانب شويه حاجات كده مليانه كالوري عشان جسمك يزيد يا وحش بس خلينا متفقين انك لو اخدت بروتين وكارب كتير ومكملات اكتر من غير ماتزود الكالوري مش هتزيد يبقي لازم تستهلك كالوري اكتر من اللي بتحرقه ف اليوم عشان جسمك يزيد بالنسبه للهارد جينر
يعني مثلا لو هنقسمهم وجبات هتكون كده
الوجبه الاولي
3 ل 6 بيض وطبق فول بزيت الزتون بلاش بقي زيوت مضره ورغيفين عيش طبق شوفان علي شويه فاكهه
التانيه
بطاطس مسلوقه مع خضار وممكن قطعتين جبنه مثلثات
التالته
صدرين فراخ وطبق رز بقي وياسلام لو رز بني كمان واي سلطه
الرابعه
بطاطا وموزه قبل التمرين معاهم طبق شوفان بساعه كده وبلاش كل يوم قهوه انا اتكلمت عن اضرارها
الخامسه بعد التمرين علبه تونه وطبق مكرونه صغير
السادسه قبل النوم
لازم يكون فيها جبنه قريش معاها كوبايه لبن وممكن تلت بيضات كمان وبطاطس مسلوقه
بين الوجبات دي تتسلي بشويه مكسرات شويه فاكهه الكلام دا
الفواكه المحدوده ليها املاح عاليه او سكريات عاليه المانجه والكلام دا
طب في ناس ماشيه علي النظام دا وزهقت منوا
طب مانجرب نفطر ببليله كده ونشوف الفرق
طبق بليله بلين عليه شويه مكسرات مع جوز الهند مع زبيب محلي بعسل نحل وشويه موز بقي فوقه كده وجبه متكامله من كلوا ممكن تفطر بيها لو زهقان من البيض والكلام دا او شوفان بلبن وعسل نحل عليهم اي قطعتين فاكهه
طبق الاحلام جرب وهتنور طول اليوم
افوكادو وشوفان ورمان وموز ومكسرات وفراوله
ف حاجات لازم تراعيها لازم تشرب كويس ف اليوم بمعدل 3ل 4 لتر
تاكل ببطء وتمضغ كويس عشان عسر الهضم ولو حسيت الاكل تقيل ممكن تاخد نيو ديجستين
متاكلش وتملي التانك قبل التمرين او وسط التمرين غلط
نوع بين البرويتن النباتي والحيواني والخضراوات والفاكهه
بعد التمرين ممكن نضرب عصير قصب ترجع الانسولين ومتحسش انك كسلان
تركز كويس اوي ع الحركه السلبيه بتاعتك بتخلي ضخ الدم زياده جدا والحركه الايجابيه لو فضلت ماسك عليها شويه تعد مثلا خمسه هتولع ف العضله وتستفاد اكتر
لما العضله اللي كنت مشغلها توجعك فعلا كده انت استفادت من تمرينك
النظام اللي ضخمك واتت خمسبن كيلو مش هيضخمك وانت سبعين
المتابعه الكامله مع مدرب محترم ودكتور تغذيه عشان تبقي ماشي صح
الصبر يا رجاله ممكن تقعد فتره فعلا جسمك ميبقاش بيزيد خالص بس ممكن ينقلب معاك الامر وتلاقي نفسك بتزيد بعدها لوحدك من غير اي حاجه العضلات مش بتطلع بين يوم وليله دي مجهود سنين
الحمد لله الموضوع خلص دول بقي كلمتين لله
الناس اللي بتاخد مكملات وكده انت بتفكر تاخد جينر وطاقه ومش عارف ايه ونسيت اهم حاجه الفيتامينات لازم تاخد معاهم فيتامينات لانها هي اللي بتوقف عمل هرمون الميوستاتن ودا اللي مخليك ثابت علي عضلاتك ويا سلام لو محفزات معاك بقي هتشوف فرق الكورس بجد
ابعد عن اللي هيجربوا فيك ويقولك طب جرب المكمل دا طب دا ويقعد يشقلط منك فلوس وهو ولا فاهم اي حاجه فحاجه
روح لناس فاهمه وخليها حلقه ف دماغك جاور البطل تبقي بطل زيه
ليست هناك تعليقات: